Саха дизайнера уонна INNIKI-ни төрүттээччи Изабелла Дордосова «Дельта» кэллиэксийэтин уонна «Киэргэ» ювелирнай дьиэни кытта кыттыгастаах «Симфония вечной мерзлоты» бырайыактарын көрдөрдө. Кэрэ дьүһүйүүнү Саргылана Ымыы уонна Августина Филиппова дизайннаабыт «Киэргэ» ювелирнай оҥоһуктара киэргэттилэр.
Саха үгэстэрин уратыта уонна кэрэтэ муода экспертарын болҕомтолорун тарта. Изабелла Дордосова аан дойду таһымыгар саха култууратын көрдөрөр, итинэн Саха сирин сайдан иһэр култууратыгар уонна искусствотыгар интэриэс баарын бэлиэтиир.
«Испанияҕа «Киэргэ» ювелирнай дьиэни кытта күүспүтүн сомоҕолоон, өрөспүүбүлүкэбитин уонна дойдубутун чиэстээхтик көрдөрдүбүт», — диэтэ Изабелла Дордосова.
«Киэргэ» дириэктэрэ Галина Павлова бэлиэтээбитинэн, саха норуотун философиятын бэйэлэрин кэллиэксийэлэригэр көрдөрөр эдэр саха дизайнердарын өйөөһүн хампаанньа эппиэтинэһэ.
Билигин «Симфония вечной мерзлоты» эбиллэр уонна салгыы киэҥ көрдөрүүгэ тахсар.
