Коронавирус инфекцията тарҕаныаҕыттан барыта 2 753 киһи ыарыйда. Ааспыт сууккаҕа COVID-19 ыалдьыбыт 67 киһи эбилиннэ, онтон 64-дэ — Дьокуускайга. 16 киһи ыарахан туруктаах, икки пациент ИВЛ аппараакка сытар.
Өрөспүүбүлүкэ үрдүнэн ыам ыйын 20 күнүттэн саҕалаан, ыарыы намтаабыта бэлиэтэнэр — ааспыт сууккаҕа 67 киһи эбилиннэ. Бу ылыллыбыт миэрэлэр түмүктэрэ, ити эрээри холкутуйар сатаммат.
Ыарыы 78%-на Дьокуускайга бэлиэтэнэр. Атыы эйгэтигэр хааччахтааһыны киллэрии үтүө түмүктэрдээх. Ону учуоттаан, бэс ыйын 13 күнүгэр, субуотаҕа, кууһунан атыылыыр баазалар үлэлэригэр хааччахтааһын киирэр. Биирдиилээн атыылааччылары бу дьаһал таарыйбат.
Ааспыт сууккаҕа 100 киһи үтүөрэн балыыһаттан таҕыста. Миэрэлэри сымнатыы аа-дьуо киирэригэр эрэл баар. Ити эрээри уоппуска кэмэ саҕаламмытынан, оҕолор нөҥүө ыарыыга сыстыы улуустарга бэлиэтэнэр.
This post was published on 10.06.2020 12:30 12:30