Дойду президенэ Владимир Владимирович Путин 2022 сылы Россия норуоттарын култуураларын нэһилиэстибэтин сылынан биллэрдэ.
«Киэҥ нэлэмэн сирдээх-уоттаах Саха сиригэр элбэх норуот култуурата үйэлэргэ түмүллэн кэллэ. Норуоту харыстааһын – бу, бастатан туран, кинилэр култуураларын нэһилиэстибэтин харыстааһын буолар. Бу дьаһал биһиги өрөспүүбүлүкэбит 100 сылын бэлиэтиир сылбытыгар түбэспитэ ордук суолталаах«, диэн суруйда Ил Дархан Айсен Николаев бэйэтин инстаграм-сирэйигэр.
Кини инникитин даҕаны бары бииргэ, сомоҕо күүһүнэн Саха сирин норуоттарын дириҥ төрдүлэрин үүнэр көлүөнэҕэ тириэрдэ турары, ыччаты үйэлэри уҥуордаан кэлбит сыаннастарга, үгэстэргэ иитэри эрэнэрин биллэрдэ.