Ил Дархан Айсен Николаев «Ыра санаа харыйата» аахсыйанан Куликовтар элбэх оҕолоох ыал эдьиийдии-балыска баҕа санааларын толордо. Дьиэ кэргэн барыта алта оҕолоох. Куликовтар — музакальнай дьиэ кэргэн, кыралар ыллыыллар, үҥкүүлүүллэр, музыкальнай инструменнарга оонньууллар. «Баҕа санаа харыйатыгар» кинилэр гитараланыахтарын уонна саҥа компьютерданыахтарын баҕаралларын суруйбуттар.
«Миэхэ Дарина суруга түбэстэ, кини дьиҥнээх гитараҕа баҕарарын эппит. Кини Зевора диэн игирэлээҕин билэн баран, кыыс баҕа санаатын эмиэ толорорго сананным. Бу дьиэ кэргэн уонна Саха сирин бары ыаллара дьолунан, оҕо үөрүүтүнэн туоллун», – диэтэ Айсен Николаев.
««Баҕа санаа харыйата» аахсыйаҕа суруйан баран, олус эрэммиппит, итэҕэйбиппит, күүппүппүт. Оҕолор олус дьолллоннулар, дьиҥнээх дьикти түгэн буолла, улахан махтал. Айсен Сергеевич тус бэйэтэ кэлэн оҕолорго бэлэхтэри туттарбыта – бырааһынньык буолла», – кыргыттар ийэлэрэ Татьяна Куликова кэпсээтэ.
