Ил Дархан Айсен Николаев балаҕан ыйын 8 күнүгэр Эдьигээн улууһун баһылыга Алексей Мандаровтыын көрүстэ, СИА суруйар.
Баһылык Алексей Мандаров оройуоҥҥа эпидемиологическай балаһыанньа, социальнай эбийиэктэри тутуу, хаарбах дьиэттэн дьону көһөрүү бырагырааманан үлэ, итиэннэ муниципалитет социальнай-экономическай сайдыытыгар көдьүүстээх боппуруостар тустарынан иһитиннэрдэ.
«Эһиил хас да социальнай эбийиэк үлэҕэ киирэр. Билигин Кыстатыамҥа оскуола-саад тутуллар, Эдьигээҥҥэ култуура дьиэтэ уонна хаарбах дьиэттэн дьону көһөрүү бырагырааманан элбэх кыбартыыралаах дьиэ тутуллар», – диэтэ баһылык.
Өрүттэр Бэстээххэ квартальнай хочуолунай тутуутун кэпсэттилэр, Эдьигээҥҥэ аэропорт көтөр балаһатын оҥорууга эмиэ тохтоотулар.
Сиһилии https://ysia.ru/ajsen-nikolaev-provyol-vstrechu-s-glavoj-zhiganskogo-ulusa/
