Анал байыаннай дьайыы кыттыылаахтарыгар көмө миэрэлэрэ кэҥээн иһэллэр. Ил Дархан 80 №-дээх Ыйааҕынан үс саҥа өйөбүл миэрэтин эбии киллэрдэ.
Ол курдук, 2024 сыл тохсунньу 1 күнүттэн байыаннай дьайыы бэтэрээннэрин оҕолоро успуорт сиэксийэлэригэр бастакы уочарат суруттарар буолуохтара. Оҕолорго дьарык таҥаһын босхо биэриэхтэрэ.
Өссө биир көмө көрүҥэ – сир учаастагынан босхо хааччыйыы. Сир учаастагын байыаннай дьайыы кэмигэр өлбүт байыастар дьиэ кэргэттэрэ эмиэ ылар бырааптаналлар.
Үһүс саҥа ылыллыбыт өйөбүл көрүҥэ – байыаһы кытта бииргэ олорор дьиэ кэргэн дьиэтин төлөбүрүн уонна хапытаалынай өрөмүөнүн төлөбүрүн 50% өрөспүүбүлүкэ уйунар буолуоҕа. Бу туһунан СӨ Бырабыытылыстыбатын Бэрэссэдээтэлин солбуйааччы Георгий Степанов брифинг кэмигэр иһитиннэрдэ.
