Бүгүн, олунньу 13 күнэ, Саха сиригэр Ийэ тыл күнэ бэлиэтэнэр. Өрөспүүбүлүкэ киин куоратыгар уонна улуустарга араас тэрээһиннэр ыытыллаллар.
«Бу күн биһиги түмэлбит пуондатыгар харалла сытар 100 сыллааҕыта бэчээттэммит Сэмэн Ноҕоруодап суругун-бичигин, 1917, 1923 сыллардааҕы сырдыкка сирдээбит букубаардарын, оччотооҕу кэмҥэ тахсыбыт суруйааччылар М.К. Сиипсэп, А.А. Иванов-Күндэ ааптардаах үөрэх кинигэлэрин быыстапкатын көрдөрөн кэпсээтибит. Ол кэннэ бэлэлиэгийэ наукатыгар кандидат Егор Николаев «Саха тылын үөрэтии историятыттан: диалектологическай экспедициялар» уонна И.Ю.Васильев «Былыргы түүр тылын историятыттан» сэгэтэн кэпсээтилэр», — диэн СИА-ҕа литэрэтиирэ түмэлиттэн Ньургуяна Халгаева суруйда.
Бу күн сэттис төгүлүн Ноҕуруодап алпаабытынан «Көтөр-сүүрэр саҥата» дьыктааны суруйдулар, «Төрүт тыл төлкөтө, ийэ тыл илгэтэ» тыл оонньуута буолла.
