Хотугулуу-Илиҥҥи федеральнай университет устудьуоннарын төрөппүттэрэ кинилэр оҕолоро хайдах эмтэниини ааһалларын үөрэх кыһатын саайтыттан билиэхтэрин сөп. Ол туһунан вице-премьер Ольга Балабкина брифиҥҥэ иһитиннэрдэ, СИА суруйар.
«ХИФУ ректора Анатолий Николаевы кытта кэпсэтэн, үөрэх кыһатын саайтыгар «горячай линия» арыйар туһунан дуогабардастыбыт. Төрөппүттэр оҕолоро хайдах эмтэниини ааһалларын саайтан билэ олоруохтара», — диэтэ Ольга Балабкина.
Вице-премьер эппитинэн, өрөспүүбүлүкэ доруобуйаҕа харыстабылын миниистирин дакылааттаабытынан, устудьуоннар ыарыылара симптома суох ааһар, түргэнник үтүөрэллэригэр эрэл баар.
Санатар эбит буоллахха, ХИФУ Сергеляхская уулуссатын 9/2 дьиэтин уопсайыгар 70 киһи ыалдьыбыта билиннэ. Манна 324 киһи олорор, Роспотребнадзор дьаһалынан, харантыын биллэриллибитэ.
This post was published on 11.05.2020 17:03 17:03