Саха сиригэр ахсынньы 3 күнүттэн ахсынньы 4 күнэ буолар түүнүгэр биллибит C0WEPC5 астероид түһүүтэ айылҕаҕа уонна нэһилиэнньэҕэ буортута суох. Ол туһунан ТАСС-ка ХИФУ физико-техническай институтун радиофизика уонна электроннай систиэмэ кафедратын доцена Игорь Колтовской эттэ.
«Астероид кээмэйэ кыра, кэтитэ миэтэрэ, салгын тас өттүгэр, Сиртэн 100 килэмиэтир ыраах эстибит, онон дьоҥҥо да айылҕаҕа да буортута суох», — диэтэ кини.
Астероид Саха сиригэр ахсынньы 4 күнүгэр олохтоох бириэмэнэн 1:15 чааска көстүбүтэ. Өлүөхүмэ, Ленскэй, Сунтаар олохтоохторо көрбүттэрэ.
