Өлүөнэ эбэни туоруур муус суолу бэлэмнээһини түргэтэтэр соругу суол оҥорооччуларга туруордулар. 3 туоннаҕа диэри уйуктаах массыыналарга Хатас — Павловскай хайысханан муус суолу сэтинньи бүтүүтэ арыйарга былаанныыллар. Ол туһунан Саха сирин айан суолларын управлениета иһитиннэрдэ.
Тырааныспар министиэристибэтэ, суол управлениета, «Мехдорстрой» уонна «СУ-77» бэдэрээт тэрилтэлэртэн састааптаах хамыыһыйа муус туругун эбэ икки өттүттэн бэрэбиэркэлээтэ.
Хаартыска: Саха сирин айан суолларын управлениета
Управление информациятынан, Дьокуускай өттүттэн муус халыҥа анал техниканы киллэриигэ сөбө суох. Мууһу халыҥатыыга «Мехдорстрой» мотопомпалары эбэр. Маны сэргэ кыдьымаҕы ыраастааһыҥҥа үлэһит ахсаанын улаатыннарар.
Хаҥас өттүгэр «СУ-77» тэрилтэ анал техниката үлэлиир.
