Социальнай ситимнэргэ Хатас орто оскуолатын таһыгар алтынньы 13 күнүгэр киһи өлүгүн булбуттарын туһунан иһитиннэрии тарҕанна. Саха сирин силиэстийэ кэмитиэтэ ЯСИА-ҕа иһитиннэрбитинэн, 62 саастаах эр киһи өлүгэ буолара билиннэ.
«Дьокуускай куорат силиэстийэ салаатынан 62 саастаах эр киһи өлүгэ булуллуутун чахчытынан процессуальнай бэрэбиэркэ ыытыллар. Силиэдэбэтэллэр быһылаан миэстэтин, атын тэрээһиннэри ыыттылар. Эр киһи өлүүтэ криминала суох майгылаах диэн быһаарылынна», — диэн Саха Сиринээҕи следком ЯСИА быһаарда.
Бэрэбиэркэ чэрчитинэн буолбут быһыы-майгы көрүллэр. Бэрэбиэркэ дьаһалларын түмүгүнэн процессуальнай быһаарыы ылыллыаҕа.
