Россия ыксаллаах быһыыга-майгыга министиэристибэтэ Саха сиригэр халаан уутун уонна ойуур баһаардарын туругун космостан манааһыҥҥа ананар мобильнай оҥоһугу тиксэрдэ. Бу туһунан ТАСС тириэрдэр.
«Дойду ыксаллаах-быһыыга майгыга министиэристибэтин ИЛ-76 сөмөлүөтэ бүгүн олохтоох бириэмэнэн 08.42 чааска космостан манабылга ананар мобильнай комплексы Дьокуускай пуордугар тиксэрдэ», — диэн министиэристибэ пресс-сулууспата иһитиннэрдэ.
Мобильнай комплекс космоска баар спутниктар нөҥүө чопчуламмыт сибидиэнньэни ылыыны олохтуоҕа, бу көмөтүнэн халаан уутуттан уонна ойуур баһаардарыттан тахсыан сөптөөх ыксаллаах быһыыны-майгыны урутаан билии оҥоһуллуоҕа.
Исписэлиистэр бэлиэтииллэринэн, бу комплекс көмөтүнэр бүтүн Уһук Илиҥҥи уонна Сибиирдээҕи федеральнай уокуруктарга уу уонна баһаар содулуттан тахсар туругу кэтээн көрүү оҥоһуллуоҕа, диэн суруйар НВК «Саха».
