Борогунуос быһыытынан, эбэлэр арыллыылара үгүс оройуоҥҥа нуорма иһинэн ааһыаҕа. Сорох сирдэргэ, холобура, Бүлүү эбэҕэ уу орто таһымтан 0,5–1,0 миэтэрэнэн үрдүк буолуоҕа. Харыы тахсыан сөптөөх өрүстэрэ — Өлүөнэ, Алдан, Амма уонна Халыма.
Садовников эппитинэн, Саха сирин 15 оройуонугар үөрэтии саҕаланна, сааскы халаан уутун алдьатыытын аҕыйатар сыаллаах. Бэлэмнэниигэ барыта 163,1 мөл солк көрүлүннэ, онтон 62,6 мөл солк — федеральнайдааҕы харчы, 100,5 мөл солк — өрөспүүбүлүкэ бюджета.
«Үп мууһу эрбииргэ, кутталлаах учаастактары ыраастааһыҥҥа уонна да атын дьаһалларга барыаҕа. 25 туонна эстэрэр тэрили ылар былааннаахпыт, мониторинг оҥорууга авиацияны туһаныахпыт», — диэтэ салайааччы.
Халаан уута куттала суох ааһарыгар 16 тыһыынча киһи уонна 2,7 тыһыынча техника туттуллуоҕа. Ууга барыы таҕыстаҕына 252 эвакопуун бэлэм буолуоҕа.
«Муус устартан Россия ЫБММ кытта үлэлээн, «Роскосмостан» мобильнай комплекстары ылыахпыт. Өрүстэргэ баар балаһыанньанан информацияны тута ыла олоруохпут. Бу уларыйыыларга түргэнник хамсаныылары оҥорорго наадалаах», — диэтэ Садовников.
