Киһи илиитин иһиттэн айыллан, оҥоһуллан тахсыбыт куукулалар кинини оҥорбут маастар, кэм туһунан сороҕор элэҕи кэпсиэхтэрин сөп. Ол да иһин буолуо, маннык маастардарга болҕомто куруук улахан.
Соторутааҕыта бэчээттэнэн тахсыбыт аан дойду маастардарын альбомугар саха кыыһа Хаарчаана Баппаҕай фарфоровай куукулаларын хаартыскалара киирдилэр. Бу кинигэҕэ аан дойду таһымыгар биллэр ааттаах-суоллаах 87 маастардар үлэтэ баар. Хаарчана сахаларта билиҥҥитэ соҕотох.
Арктикатааҕы култуура, искусство государственнай институтун бүтэрбит Хаарчаана Баппаҕай идэтинэн таҥас дизайнера. Кини билигин Москваҕа олорор, аналлаах полимернай туойтан куукулалары оҥорор. Ааптар ордук кыра оҕолору оҥорорун ордорор.
“Москва быыстапкатыгар туруоруллубут мин түөрт куукулам хаартыскалара кинигэҕэ киирдилэр. Айарга-тутарга саҥа санаа элбэх. Билигин быкаа кистэлэҥмин арыйбаппын ”— диир Хаарчаана.
Муус устар ыйга кини аан дойдутааҕы «Искусство и куклы» быыстапкаҕа кыттыахтаах. Тэрээһин Амстердам куорат Заудеркерк таҥара дьиэтигэр туруоруллуоҕа. Онно Баппаҕай үс үлэнэн кыттар.
