Хаҥалас улууһун киинигэр муус устар 7 күнүгэр аҕалар оруолларыгар анаммыт кэмпириэнсийэ буолла. Мустубут дьон киэҥ кэпсэтиини таһаардылар, сонун этиилэри киллэрдилэр.
Кэмпириэнсийэҕэ Покровскай куорат оскуолаларын, оҕо саадтарын Аҕа сүбэтин бэрэссэдээтэллэрэ уонна олоххо көхтөөх көрүүлээх аҕалар кыттыыны ыллылар, киэҥ кэпсэтиини таһаардылар, сонун этиилэри киллэрдилэр.
Бу үтүө тэрээһиҥҥэ Хаҥалас улууһун баһылыга Олег Иринеев, улуус дьокутааттарын Мунньаҕын бэрэссэдээтэлэ Анатолий Антонов, Покровскай куорат баһылыга Петр Гермогенов уонна нэһилиэктэр баһылыктара кыттыыны ыллылар.
Тэрээһини Хаҥалас улууһун Кииннэммит бибилэтиэкэтин дириэктэрэ Ираида Адамова салайыытынан исписэлиистэр сүрүннэстилэр. Улуустааҕы бибилэтиэкэ кыраайы үөрэтэр салаа сүрүн бибилэтиэкэрэ Валентина Колесова, ааҕааччылар наадыйыыларын толорор отдел сэбиэдиссэйэ Людмила Колесова уонна Покровскай куорат Аҕаларын сүбэтин бэрэссэдээтэлэ Иван Уйгуров эрдэттэн бэлэмнээн тэрийэн ыыттылар.
Ааптар: Уйбаан Уйгуурап, https://t.me/gazetahangalas
