Покровскай куорат 3№-дээх оскуолатыгар Хаҥаластааҕы баһаарынай чаас сэрэтэр үлэҕэ инструктордара Михаил Михайлов уонна Денис Корнев оскуола үлэһиттэрин кытта «Сэрэхтээх дьиэ кэргэн» диэн төрөппүт уонна оҕо кыттыылаах комплекснай баһаарынай эстафета ыыттылар, НВК Саха телеграм-ханаал суруйар.
Бастакы түһүмэххэ төрөппүттэр уонна оҕолор 10-нуу мүнүүтэҕэ Квиз тест толордулар. Сэрэхтээх тэриллэри булууга ким сытыы өйө, мындыра быһаарылынна. Салгыы төрөппүттэр бойобуой баһаарынай таҥаһы түргэнник кэтиигэ куоталастылар. Түмүккэ комплекснай баһаарынай эстафетаҕа илин-кэлин түстүлэр.
Барыта аҕыс хамаанда, 3-4 кылаас үөрэнээччилэрэ төрөппүттэринээн кытыннылар. Кыайыылаахтар мэтээллэринэн, араас бириистэринэн наҕараадаланнылар.
