Хаҥалас оройуонун баһылыгын быыбарыгар «Мохсоҕоллоох килиэп собуота» ААУо генеральнай дириэктэрэ, кандидатуратын бэйэтэ туруоруммут Сергей Гребнев кыайда. Кинини быыбардааччылар 51,55% өйөөтө, диэн Саха Сирин Киин быыбардыыр хамыыһыйа иһитиннэрэр.
44,27% куолаһы 1-кы Малдьаҕар нэһилиэгин баһылыга Айталина Васильева ылла. Кинини «Биир Ньыгыл Россия» баартыйа туруорбута.
«Справедливая Россия — париоты — за правду» баартыйа туруорбут «Покровскайдааҕы элбэх хайысхалаах гимназия» МБОУ докумуону толорооччута Надежда Аммосова быыбардааччылар 1,28% куоластарын ылла.
Атын үс кандидат 1%- тан аҕыйах куолаһы ылла. Быыбардааччылар 52,94% кыттыыны ылла.
