Тохсунньу 13 күнүттэн «Умнас» массыына суолугар Улахан-Аан — Сиинэ кыһыҥҥы суолга айанныыр массыына уйугун 10 туоннаҕа диэри көҥүллэннэ. Ол туһунан Саха сирин массыына суолун управлениета иһитиннэрэр.
Суол бэлиэлэрин туруорууну, суолу сөптөөх техническэй-эксплуатационнай турукка тириэрдиини «Строй В» ХЭО бэдэрээттэһэр тэрилтэтэ хааччыйар.
Автотырааныспар сырыытыгар куттала суох буолууну олохтуурга уонна муус суолу харыстыырга Саха сирин массыына суолун управлениета көҥүллэнэр таһаҕаһы уонна олохтоммут суол бэлиэлэрин ирдэбиллэрин тутуһарга кытаанахтык сүбэлиир.
