Бу саас бэдэрээччит «Киинстрой» тэрилтэ үлэһиттэрэ суолу солоон, баҕана туруорбуттара. Манна сүрүн үлэ Бүлүү федеральнай суолу туорааһына буолар. Онтон сайын трансформатор аҕалан таҥмыттара.
Күһүн сир тоҥмутун кэннэ, остуолбаларын туруоран 360 миэтэрэ аныгы сип хаабыл ситимин тардан үлэтин түмүктээбиттэрэ.
Көтөт сайылыгар сайылыыр 14 ыалга уотунан хааччыйыы саҥа кыахтары арыйар. Олохтоохтор номнуо бэлэмнэнэн саҥа дьиэлэри туттан, сайылыктарын тас көстүүтүн лаппа тупсарбыттар.
Горнай улууһун үрдүнэн Одунуга, Кировскайга, Маалтааныга, Атамайга, Мытаахха, Бэрдьигэстээххэ уонна бу Маҥаныга үрдүк күүрүүлээх уоттаах сайылыктар баар буоллулар.
