Маҕарас сэлиэнньэтэ туспа дизайн-код ылыытыгар үлэтин саҕалаата. Бэлиэ ураты оҥоһуулаах-тутуулаах биир толору эйгэни көрдөрүөҕэ, диэн иһитиннэрдэ компетенция киинин пресс-сулууспата.
Дизайн-код оҥоруутунан архитектор-дизайнер Айта Брызгалова дьарыктанар: «Маҕарас – мин дьиэм. Мин манна төрөөбүтүм уонна улааппытым. Нэһилиэк айылҕата кэрэ, историята баай, эйэҕэс-сайаҕас дьонноох. Миигин ыҥырбыттара олус бэрт».
Маҕарас олохтоохторо чөл олоҕу өрөгөйдүүллэр, спорду таптыыллар. 2001 сылтан Саха Өрөспүүбүлүкэтин Чөл олоххо тутаах киининэн буолар. 2021 сылга Горнай улууһугар «Манчаары оонньуулара» ыытыллыахтара.
Быйыл маҕарастар Горнай улууһа төрүттэммитэ 90 сылын уонна Саха сириттэн тахсыбыт биллиилээх спортсмен, көҥүл тустууга аан дойду чемпиона, олимпийскай оонньуулар икки төгүллээх кыттыылааҕа Герман Степанович Контоев 50 сааһын бэлиэтииллэр.
«Спорт биһиги бэйэбитин билиһиннэрэр киэн туттуубут буолар. Одуну нэһилиэгэ – аан дойду чемпионнарын дойдута. Контоевтар дьиэ кэргэттэринэн киэн туттабыт. Кинилэр Сахабыт сирин бүттүүнүн киэн тутуулара. «Манчаары оонньуулара» биһиги улууспутугар ыыттыллылара эмиэ олус суолталаах. Биһиги экологическай туризмы сайыннарыахпытын баҕарабыт. Нэһилиэк кэрэ сирдэринэн маршрут толкуйдуубут», – диэтэ баһылык Владимир Текеянов.
Сиһилии https://ysia.ru/selo-magaras-gornogo-rajona-poluchit-sobstvennyj-dizajn-kod/
