Горнай улууһугар быйыл Предпринимательсво сыла биллэрилиннэ. Семен уонна Софрон Даниловтар ааттарынан Духуобунас киинигэр Сылы арыйыы үөрүүлээх тэрээһинэ ыытылынна.
Улуус, өрөспүүбүлүкэ экономикатын сайыннарыыга-тупсарыыга үтүө үлэлээх предпринимательство эйгэтин бэтэрээннэрэ, эдэр үлэһиттэрэ, тэрилтэ салайааччылара, муниципальнай тэриллии баһылыктара муһуннулар.
Үөрүүлээх түгэҥҥэ СӨ предпринимательствоҕа, атыыга-эргиэҥҥэ уонна туризмҥа миниистирэ Тимур Ханды, «Куб-A» иһитиннэрэр технологияны сайыннарар киин дириэктэрэ Саргылана Петрова, улуус баһылыга Никита Андреев бииргэ үлэлэһэргэ сөбүлэҥ түһэристилэр.
Улууска предпринимательство, туризм эйгэтэ сайдарыгар муниципальнай бырагыраамалары олоххо киллэриигэ, киэҥ далааһыннаах үлэ былааннанар, суруйда «Саха» НКИХ.
