Санаттахха, Уһук Илин регионнарын ардыгар бириэмийэҕэ 51 кандидатураҕа сайаапка киирдэ.
«Быйыл уокурук түһүмэҕэ диэн аан бастаан буолла. Дьокуускайга ыыттыбыт, манна норуоттар доҕордоһууларын Дьиэтэ баар, элбэх дьону түмэр кыахтаах. Элбэх киһи национальнай таҥаһын кэтэн кэлбит. Ол олус үөрдэр уонна сомоҕолуур. Киһи идентичноһын, төрөөбүт тылын уонна култууратын илдьэ сылдьар буоллаҕына — бу биһиги баайбыт!
Экспертар бастыҥы талалларыгар ыарахаттар бааллара. Оннук курдук бары талыллыбыт үчүгэй дьон. Кинилэр ис дууһаларыттан үлэлииллэр, дойду туһугар, хас биирдиилэрэ уратылар. Кинилэр үлэлэрэ уонна кылааттара Россия норуоттарын түмэргэ сөҕүмэр элбэх. Чаҕылхай холобур буолалларыгар барҕа махталбытын этэбит», — диэтэ Россия норуоттарын Ассамблеятын генеральнай дириэктэрин регионнар сайдыыларыгар солбуйааччы Назиржон Абдуганиев.
Кыайыылаахтар тустарынан сиһилии манна аах.
