Гидрометкииҥҥэ от ыйын саҥатыгар олус итии салгыннаах Россия регионнарын ааттаатылар, ТАСС суруйар.
«Олус итии Приволжскай федеральнайдааҕы уокурукка, Уралга уонна Саха сиригэр буолара күүтүллэр«, — Гидрометкиин научнай салайааччыта Роман Вильфанд.
Кини эппитинэн, от ыйыгар Россия үрдүнэн салгын температура нуорманы куоһарар. Красноярскай кыраай арҕаа өттүгэр эрэ сөрүүн бэлиэтэнэр.
«Сайын, этиллибитин курдук, итии буолар. Ханан эрэ олус итии эбэтэр муҥутуур итии«, — диэн эбэн эттэ метеоролог.
