Мэхээлэ Дьөгүөрэп аатынан Сынньалаҥ киинин иһинэн интэриэһинэй түмсүүлэр айымньылаахтык былааннаахтык үлэлииллэр.
Олортон биирдэстэрэ «Флора» сибэккинэн, оҕуруотунан дьарыктанар түмсүү буолар. 2015 с. саҕалаан тиһигин быспакка түмсүүгэ 16 кэрэни кэрэхсиир Далбар Хотун сылдьар.
Кэрэхсэнэр үлэлэрин түмэн, үйэтитэн «Флора» кинигэ- альбомун биир дойдулаахтарыгар утары ууннулар.
Далбар Хотуттар бэйэлэрин тиэргэннэригэр үүннэрэр сибэккилэрин, декоративнай отонноох мастарын, кустарниктарын, оҕуруоттарын көрдөрөр хаартыскалар киирбиттэр.
Киһи хараҕын үөрдэр дьэрэкээн көстүүлэри, биир дойдулаахтарбыт хоһоонноро, өссө ситэрэн-симээн биэрбиттэр.
Түмсүүнү иилээн салайар салайааччы Диана Тимофеева, түмсүү кыттыылаахтара кинигэ- альбомҥа үлэлэспит биир дойдулаахтарыгар Алена Мухоплеваҕа улахан махталларын тириэрдэллэр.
Нина Сутакова, @silatrudagorny
