Алдан оройуонун олохтооҕо WhatsApp ситимигэр урукку эрин туһунан тус видеоны тарҕаппыт. Манан кини эр киһи тус олоҕун быраабын кэспит. Дьахтары икки сылга диэри болдьохтоох көҥүлүн быһыахтарын син, диэн Саха сирин прокуратуратын пресс сулууспата иһитиннэрэр.
Биэдэмистибэ тиэрдэринэн, видеоны дьахтар урукку эрин билиҥҥи кэргэнигэр ыыппыт. Бу түмүгэр эр киһи моральнай буортуну ылбыт. Киһи тус олоҕун туһунан видеозапиһы тарҕатыы иһин РФ ХК 1- кы ч. 137 ыст. буруйдууллар.
РФ Конституциятын 24- с ыстатыйатыгар олоҕуран, киһи тус олоҕун туһунан информацияны хомуйуу, харайыы, туһаныы уонна тарҕатыы бу киһи сөбүлэҥэ суох көҥүллэммэт.
