15 От ыйа 15.07
  • 17°
  • $ 87,74
  • 95,76

Энергетиктар Таатта улууһун электрическэй ситимин саҥардаллар

11:04, 25 августа 2018
Текст:
Читайте нас на
Яндекс Новости
ЯДВ

Энергетиктар Таатта улууһугар, ол иһигэр бу саас халаан уутуттан эмсэҕэлээбит бөһүөлэктэргэ электрическэй уот ситимин уларыта сылдьаллар.

«Олохтоохтору харгыһа суох уотунан хааччыйыы биһиги үлэбит сүрүн ирдэбилэ, — диир «Якутскэнерго» тэрилтэ салайааччыта Александр Слоик. – Бу саас ыам ыйыгар элбэх энергетическай эбийиэги халаан уута ылбыта, онуоха күүскэ үлэлээммит саахал содулун туораттыбыт уонна олохтоохтору уотунан хааччыйыыны күүһүрдэн биэрдибит».
Чымнаайы сэлиэнньэтин Уодай диэн сайылыгар Киин электрическэй ситим Тааттатааҕы РЭҺ-ын энергетиктара 0,4 кВ кыамталаах 6 баҕананы өрөмүөннээбиттэр, 10 кВ кыамталаах линияҕа 14 арыттаах баҕананы туруорбуттар, боруобаттары тардыбыттар.
Үрүҥ хайа диэн учаастакка уу ылбат сиригэр 100 кВА кыамталаах саҥа комплектнай-трансформаторнай подстанцияны, 14 саҥа баҕананы туруорбуттар. Саҥа электрическэй ситимҥэ икки уоту туһанааччы номнуо холбоммут. Чараҥ диэн тэйиччи сытар учаастакка эбийиэктэри уокка холбуохха сөп буолбут. Ону таһынан, Харбалаах диэн дэриэбинэ Теплица уонна Трофим Иванов учаастактарын уотунан хааччыйар «Чымнаайы» үрдүк күүрүүлээх линияҕа РЛНД-10 кВ туруорбуттар.

«Якутскэнерго» ПАУо Киин электрическэй ситимин пресс-сулууспата

Следите за самым важным и интересным в Telegram-канале и WhatsApp-группе ЯСИА