Быйылгы сыл уон үһүс күнэ Эмис нэһилиэгин олохтоохторугар бэлиэ буолла. Улуус кылаабынай бырааһа Михаил Архипов «Доруобуйа» национальнай бырайыак чэрчитинэн кэлбит «Суһал көмө» УАЗ массыына күлүүһэ Эмис учаастактааҕы балыыһатыгар анаммытын туһунан эттэ.
Массыына күлүүстэрин Ил Дархан Айсен Николаев үөрүүлээх-быһыыга майгыга 25 улууска 32 массыына күлүүһүн туттарда.
«Эмис нэһилиэгэ биһиги улууска киириигэ бастакы сытар нэһилиэк буолар. Ол курдук, «Амма» региональнай таһымнаах суолтан 3 эрэ км тэйиччи. Онон суолга араас тахсар түгэнигэр кини стратегическэй суолталаах. Массыына А кылаастаах. Ол эбэтэр ыарыһахтары таһыыга уонна анализтары илдьиигэ сүүрүө. Бу дойдубут Бэрэсидьиэнэ Владимир Путин көҕүлээбит доруобуйа харыстабылыгар анаммыт национальнай бырайыагын көмөтүнэн өр кэмҥэ саҥардыллыбакка турбут автопаркабыт билигин саҥа массыыналарынан хааччыллынна. Ол барыта эмчиттэр олохтоохтор доруобуйаларын көрүүлэригэр, хаачыстыбалаах суһаллык көмө оҥороллоругар күүс-көмө буолар. Онон биһиги улуус доруобуйатын харыстабылын үлэһиттэрэ, улуус бары олохтоохторо бу үлэни күүскэ киллэрэ сылдьар Ил Дархаммытыгар Айсен Сергеевич Николаевка, өрөспүүбүлүкэбит доруобуйа харыстабылын миниистирэ Лена Николаевна Афанасьеваҕа уонна биллэн туран Дойду Бэрэсидьиэнигэр Владимир Владимирович Путиҥҥа дириҥ махталбытын тириэрдэбит» -, диэн Михаил Архипович үөрүүтүн үллэһиннэ.
«Амма олоҕо» хаһыат.
