Былырыын өрөспүүбүлүкэҕэ 270 маассабай тэрээһин ыытыллыбыт, онно уопсайа 1 мөл. тахса киһи кыттыбыт. Маннык тэрээһиннэр буолар сирдэригэр уопсастыбаннай бэрээдэги көрөргө 11257 ИДьМ, 1389 Росгвардия үлэһиттэрэ тахсыбыттар, суруйда Саха парламент саайт.
2025 с. эрдэттэн сэрэтэн туран 5 бырачыастыыр тэрээһин оҥоһуллубут. Өрө турууну тохтотор туһугар бэрээдэги көрөргө норуодунай дружиналар, чааһынай харабыл үлэһиттэрэ, казактар бэрэстэбиитэллэрэ күүс-көмө буолаллар.
2026 с. тохсунньу 1 күнүнээҕи туругунан өрөспүүбүлүкэҕэ элбэх киһи сылдьар сиригэр 2476 видеокамера туруоруллубут, онтон полиция дьуһуурунай чааһыгар 2039 видеокамера быһа холбоммут. Суол быраабылатын кэһиини бэлиэтиир 160 тиэхиньикэ таҥыллыбыт. Видеонан кэтээн көрүү түмүгүнэн 330 административнай быраабы кэһии бэлиэтэммит, 125 буруйу оҥоруу аһыллыбыт. Ол туһунан Ил Түмэҥҥэ СӨ Ис дьыалаҕа миниистирин солбуйааччытын э.т. Юрий Тищенко иһитиннэрдэ.
