«Олунньу 2 күнүттэн 3 күнэ буолар түүнүгэр Туймаада хочотун кыылын-сүөлүн хаартыскаҕа түһэрэр тэрил КАМАЗ мааркалаах ассенизационнай массыына кирдээх ууну тоҕорун уһулла. Кадрга көстөрүнэн, суоппар массыынаттан таҕыста, көрүүлэннэ уонна Өлүөнэ өрүскэ түһэр аппаҕа кирдээх ууну кутта. Айылҕа харыстабылын сокуонун куруубайдык кэһии бэлиэтэннэ», – диэтилэр министиэристибэҕэ.
Олунньу 3 күнүгэр министиэристибэ иниспиэктэрдэрэ уонна Хатас дьаһалтатын үлэһиттэрэ миэстэтигэр тиийэ сырыттылар. Аппаҕа кирдээх уу тохтубута бэлиэтэннэ, 500 кв. м тахса иэннээх сир, Өлүөнэ эбэ кытылын сирин кырса уонна мууһа киртийбит. Муустан уонна сир кырыһыттан боруоба ылылынна, экспертизаҕа бэрилиннэ.
«Өлүөнэ эбэ федеральнайдааҕы судаарыстыбаннай экологическай кэтээн көрүүгэ киирэр, онон «Росприроднадзор» управлениетын регионнааҕы салаатыгар матырыйаал бэрилиннэ. Буруйдааҕы, тулалыыр эйгэни киртиппитинэн, эппиэккэ тардыыга, миэрэ ылыытыгар, дьаһайарыгар», – диэтилэр биэдэмистибэҕэ.
Кирдээх ууну Дьокуускайга үс ыстаансыйаҕа кутар көҥүллээх.
