2025 сылтан тыа хаһаайыстыбатыгар бюджеттан көрүллэр үбүлээһини улуустар бэйэлэрэ дьаһаналлар. Бу күннэргэ субвенциялар ыытыллаллар. Холобур, Үөһээ Бүлүү улууһугар 355 мөл. 307 тыһ. 442 солк көрүлүннэ.
«Саҥа механизм киирэрэригэр үлэбит хайысхатын быһаарынарга тэриллиилээх хаһаайыстыбалар, кээпэрэтииптэр чэлиэттэрин кытта элбэхтэ мунньахтаан, санаалары истэн, этиилэри ылынан, үлэбит хайысхатын быһаарынныбыт. Быйыл, чуолаан, ынах төбөтүн ахсаанын элбэтиигэ, хотоннору тутууга, саҥардыыга элбэх болҕомто ууруллуоҕа», — диэн Үөһээ Бүлүү улууһун баһылыга Валерий николаев бэйэтин телеграм-ханаалыгар суруйда.
Тыа хаһаайыстыбатын министиэристибэтинэн көрүллүбүт субвенцияны маннык аттардылар:
— 100 мөл. 464 тыһ. солк сүөһү төбөтүгэр;
— сылгы, сибиинньэ төбөтүгэр, оҕуруот аһын, хортуоппуйу олордууга 23 мөл. 154 тыһ. солк;
— үүт, эт аһы оҥорууга 231 мөл. 689 тыһ. 442 солк.
— хотон, сайылык, сылгы баазатын тутуутугар, өрөмүөнүгэр, модернизациятыгар 24 мөл. 755 тыһ. солк;
— тыа хаһаайыстыбатын үлэтигэр 31 мөл. 625 тыһ. 272 солк.
Маны сэргэ быһаарыылар таҕыстылар:
— кэтэх хаһаайыстыбаларга ыанар ынах төбөтүгэр 39000 солк;
— тыһы сибиинньэ төбөтүгэр 15000 солк;
— биэҕэ (10 элбэх төбөҕө тэриллиилээх хаһаайыстыбаҕа) 6000 солк;
— оҕуруот аһынан дьарыгырар кээпэрэтииптэргэ, тэриллиилээх хаһаайыстыбаларга хортуоппуй олордуутугар 1 га сиргэ 100 тыһ. солк; оҕуруот аһын олордуутугар 1 га сиргэ 150 тыһ. солк.
«Быйыл 1 лиитэрэ үүккэ 85 солк көрдүбүт. Манна эбии 15 солк үүтү соҕотуопкалыыр тэрилтэ «Верхневилюйский» ХЭТ биэриэҕэ, онон 1 лиитэрэ үүтү 100 солк тутар буолабыт», диэн суруйда T.me/ValeriNikolaev.
