Саас буоллар эрэ нэһилиэк иһинээҕи суол кутуута суох буолан бадарааннанар, уунан туолар. Быйыл бөһүөлэги саҥардыы, сөргүтүү былаанынан нэһилиэк иһинээҕи суолу оҥорууга олохтоох бүддьүөттэн харчы көрүллэн, дьаамалары, куоһаах буолбут суолу өрөмүөннээтилэр, диэн «Бытантай уоттара» телеграм-ханаал суруйар.
Бэдэрээччит Валерий Петров эдэр ыччаты көҕүлээн, дуогабар түһэрсэн, болдьоҕун иннинэ суол кутуутун үлэтин түмүктээтэ. Билигин бастакынан Школьная уулусса өрөмүөнэ бүттэ. Кэлин хаалбыт уулуссалары чөлгө түһэриэхтэрэ.
Тимир тиэхиньикэни баһылаабыт эдэр уолаттары үтүө суобастаахтык үлэлии-хамныы сылдьалларын сэргии көрөн, кыраттан да үөрэн, киэн туттан, холобур оҥостон ааттыахха сөп: Горохов Николай Матвеевич – тракторист, Горохов Василий Васильевич – погрузчик, Скобенко Геннадий Геннадиевич – самосвал.
Билигин манна, бөһүөлэк ортотунан, бэртээхэй суол субуллар
Нина Софронова – Туйгууна
