«Доруобуйаларыгар хааччахтаах дьон «Дьулуур» спартакиаданы олус күүтэр. Билигин ситиһиилээхтик кыттарга бэлэмнэнэллэр. Онон тэрээһини ыытыыга улахан эппиэтинэс турар. Буоллун-хааллын диэн ыытар сатаммат», — диэтэ бырабыыталыстыба бэрэссэдээтэлин солбуйааччы Сергей Местников.
Спорт миниистирин солбуйааччыта Аина Антонова эппитинэн, спартакиада түөрт бөлөҕүнэн ыытыллар. Истибэттэр чэпчэки атлетикаҕа, буулдьанан ытыыга, остуол тенниһыгар, дуобакка уонна саахымакка кытталлар. Илии-атах ыарыылаахтар — олорон эрэ волейбол, чэпчэки атлетика, остуол тенниһыгар, дуобакка уонна саахымакка. Көрбөттөр — голбол уонна чэпчэки атлетика. Интеллектуальнай кэһиллиилээхтэр – чэпчэки атлетика. Быһаардахха, саахымат бастакытын «Дьулуурга» киирдэ.
Күрэхтэһиигэ анаан биэс спорт уонна култуура эбийиэгэ, делегациялар олорууларыгар – 21 үөрэх тэрилтэтин эбийиэгэ туттуллара былааннанар. Бүлүү улууһун баһылыга Сергей Винокуров эппитинэн, эбийиэктэргэ өрөмүөн ыытыыга үп наада.
Барыллаан смета 505 мөл солк.
