Дьокуускайга бетон билиитэтэ үрдүлэригэр түһэн эмсэҕэлээбит оҕолорго медиктэр салгыы көмөлөһөллөр. Үс оҕону өрөспүүбүлүкэтээҕи № 1-дээх киин балыыһа педиатриятын киинигэр киирдилэр диэн, Саха сирин Доруобуйаҕа харыстабылын министиэристибэтэ иһитиннэрэр.
Балаҕан ыйын 20 күн сарсыардатыгар икки оҕо туруга бигэ курдук сыаналанар. Үһүс оҕо туруга-ыарахан, эпэрээссийэ кэнниттэн реанимацияҕа сытар.
Санатан эттэххэ, Автодорожнай уулусса 40/9 №- дээх дьиэтигэр оҕолор үрдүлэригэр бетон билиитэ түстэ. ЫБМ чуолкайдаммыт иһитиннэриитинэн, 9 саастаах кыыс өллө. Балыыһаҕа араас эчэйиилээх 5 саастаах уол уонна икки 7-лии саастаах кыыс киирдэ.
