«Дьоллоох дьиэ кэргэн — дьоллоох өрөспүүбүлүкэ» хаартысканан куонкурус тэрийээччилэрэ «Муус Устар» ыччат бэстибээлин чэрчитинэн ыытыллар дьаһалларыгар 1483 үлэни туттулар.
1412 хаартыска «Всей семьей» уонна 71 – «Воссоздание» номинацияларга бааллар. Түмүгү регион салалтатын пресс-сулууспатыгар эттилэр.
«Всей семьей» номинацияҕа кыайыыны Юлия Симонова дьиэ кэргэнэ Мииринэй куораттан ылла. Кини кэпсээбитинэн, хаартыска ааспыт күһүн киэһээҥи бэлэсипиэтинэн дьаарбайыы кэмигэр оҥоһуллубут.
Симоновтар дьиэ кэргэттэригэр үс кыыс улаатар – Айыллаана уонна Нарыйаана, 6 уонна 2 кылаастар, Мииринэй политехническай лицейыгар үөрэнэллэр, оттон Уруйдаана – дьыссаат иитиллээччитэ. Юлия кэргэнин кытта АЛРОСА хампаанньа Бүлүүтээҕи геологическай чинчийэр экспедиция үлэһиттэрэ.
Кыайыылаахтар испииһэктэрин «Муус устар» бэстибээл телеграм-ханаалыгар көрүҥ.
Бэстибээл тэрийээччилэрэ – Саха сирин бырабыыталыстыбата уонна «Эльгауголь» хампаанньа.
