Алтынньы 17 күнүттэн сэтинньи 30 күнүгэр диэри Маҕан аэропордуттан пассажирскай авиарейстэр Сангаарга, Уус-Маайаҕа уонна Хандыгаҕа субсидияламмыт тарифтарынан көтүөхтэрэ диэн Саха сирин тырааныспарга министиэристибэтэ иһитиннэрдэ.
Сиринэн сырыы уустук кэмигэр дьону хааччахтаабат туһугар «Полярные авиалинии» Ан-3 сөмөлүөтүнэн пассажирскай рейстэри оҥоруоҕа.
Авиабилет сыаналара:
алтынньы 17 күнүттэн Сангаарга диэри сөмөлүөт оптуорунньукка уонна бээтинсэҕэ көтүөҕэ, авиабилиэт сыаната — 7223 солк.;
Уус-Маайаҕа сөмөлүөт алтынньы 19 күнүттэн сылдьыаҕа — оптуорунньукка уонна чэппиэргэ, анал тариф — 5000 солк.;
Хаандыгаҕа диэри сөмөлүөт алтынньы 30 күнүттэн сылдьыаҕа — бэнидиэнньиккэ уонна сэрэдээҕэ, анал тариф — 10 422 солк.
Ыйыллыбыт авиарейстэргэ «Полярные авиалинии» авиахампаанньа кассаларыгар электроннай сурутуу саҕаланна.
