«Быһаарыы «Тиһэх чуораан» кэмигэр куттал суох буолуутун хааччыйар сыалтан ылыллар. Бу күн тыһыынчанан оҕо куорат устун уонна уопсастыбаннай миэстэлэргэ дьаарбайа, күүлэйдии тахсыаҕа», — салайааччы телеграм-ханаалыгар суруйда.
Евгений Григорьев алкобизнес уонна общепит бэрэстэбиитэллэригэр сокуон нуорматын булгуччулаахтык тутуһалларыгар сэрэттэ. «Оскуоланы бүтэрээччилэргэ маннык суолталаах күннэрин туох да куһаҕан мэһэйдиэ суохтаах», — диэтэ кини.
Тиһэх чуораан ыам ыйын 24 күнүгэр, оскуоланы бүтэрэр бырааһынньык биэчэрдэрэ бэс ыйын 28 күнүгэр ыытыллаллар. Дааталар РФ үөрэх министиэристибэтин этиитигэр олоҕуран, регион үөрэҕин министиэристибэтин бирикээһинэн талылыннылар.
