Тэрээһини училище декоративнай-прикладной искусствотын бөлөҕүн 10 сылыгар уонна преподаватель, Саха сирин норуот маастара Надежда Корнилова 55 сааһыгар анаатылар.
«100-тэн тахса экспонат, ол иһигэр үөрэх бырайыактара, дипломнай үлэлэр, научнай-айар үлэ түмүктэрэ туруорулунна. Маны сэргэ биһиги куоппуйалары оҥоробут уонна музейдары кытта бииргэ үлэлиибит. Үгүс устудьуон былыргы оҥоһуктары реконструкциялааһыны кытта үлэлэһэр, бу өбүгэлэрбит материальнай култуураларын харыстааһыҥҥа уонна элбэтиигэ туһаайар», — диэтэ Корнилова.
Хаартыска: Майя Гоголева/ЯСИА
2013 сыллаахха художественнай училищеҕа саҥа хайысха киллэриллибитэ — «Декоративно-прикладное искусство и народные промыслы» идэҕэ «Художественная обработка бересты диэн. 11 кылаас кэнниттэн үөрэххэ туттарсаллар, быйыл биэс оҕо киирдэ.
«Быйылгыттан бырагыраама уларыйда. Улахан болҕомто практикаҕа ууруллар буолла. Устудьуоннарга үлэ практиката баар, научнай-айар экспедицияларга кытталлар.
Биһиги бөлөхпүт норуот искусствотыгар уонна үгэс буолбут технологияларга олоҕурар. Мин үүнэр көлүөнэҕэ өбүгэ дьарыгын тириэрдэргэ кыһаллабын, салгыы кинилэр бэйэлэрин ыччаттарыгар тириэрдэллэригэр анаан», — эттэ Надежда Корнилова.
Быыстапка ахсынньы 15 күнүгэр диэри үлэлиир.
