Дьокуускайга «Строганина — 2024» куонкурус кыайыылаахтарын быһаардылар. Тэрээһин «Зима начинается с Якутии» бэстибээл чэрчитинэн ыытылынна. Гран-при уонна 100 тыһ солк харчынан бириэмийэ хаһаайыттарынан Гагаринскай уокуруктан Виктория уонна Николай Лаптевтар буоллулар. Барыта 16 хамаанда улуустартан, киин куорат уокуруктарыттан, таһынааҕы нэһилиэнньэлээх пууннарытан, уопсастыбаннай тэриллиилэртэн кытыннылар, суруйар ЯСИА.
Хас биирдии хамаанда дьүүллүүр сүбэҕэ тоҥ балыктан оҥоһуллубут бүлүүдэтин көрдөрдө. Тоҥ балыгы кыһыыга маастарыстыбаларын бигэргэттилэр. Дьүүллүүр сүбэ хаачыстыбаны уонна түргэни сыаналаата.
Куонкурус олохтоох норуоттар национальнай култуураларын көрдөрөр, киэҥ эйгэҕэ таһаарар, балыгы астааһыны үөрэтэр сыалтан ыытыллар диэн тэрийээччилэр эттилэр.
Хаартыска: Андрей Сорокин/ЯСИА
«Бүгүн биһиги олус кэрэ бырааһыньыкка көрөөччү буоллубут. Куонкурус таһыма сылын аайы тупсан иһэр. Биһиги сорукпут үүнэр ыччакка үгэспитин, маастарыстыбабытын көрдөрүү буолар. Ону сэргэ биһиги хотугу балыкпыт уонунан сылларынан сүппэтигэр баҕарабыт», — диэтэ Дьокуускай куорат баһылыгын солбуйааччыта Георгий Гаврильев.
