«Медицина саҥа тэрилтэтэ SMART киэбинэн үлэлиэҕэ. Ол аата поликлиника саамай аныгы тутууну уонна ИТ-технологияны учуоттаан оҥоһулунна. Өҥөнү оҥорууга түргэн, комфорт уонна хаачыстыба буолар», — диэтэ Кирилл Бычков.
Алта этээстээх поликлиника сменаҕа 600 киһи киирэригэр аналлаах, Гагаринскай уокурукка тутуллар.
Иэнэ 9 тыһ кв м. Манна дьахтар консультацията, күнүскү стационар, диагностика уонна терапия отделениялара, лучевой диагностика отделенията, ыарыһаҕы чөлүгэр түһэрии эмтээһинэ, клиника-диагностика лабораторията, суһал көмө кабинета, стоматология уонна call-киин.
