Дьокуускайга олунньу 14 күнүгэр Сайсары күөлгэ «Сайдар» муус пааркатын аһыллыыта буолан ааста. “ Жара на леду” ыччат бэстибээлин кытта тэҥҥэ ыыттылар. Кэлбит дьоҥҥо “түргэн көрсүһүүлэри” тэрийэн, хас биирдии киһи доҕордоох буоларын тэрийдилэр, муустан сүрэхтэри оҥорууга маастар-кылаас ыыттылар.
Паарка сиригэр-уотугар араас арт-эбийиэктэр, ол иһигэр скиф хараабыла, ураһа, үс миэтэрэлээх жар-птица, сахалар ытыктыыр Дьөһөгөйдөрө, Эйфель башнята уонна да атын ускуустуба айымньылара бааллар. Көхтөөх сынньалаҥы сэҥээрээччилэргэ сыырдар, каток үлэлииллэр, «банаҥҥа», квадроциклларга уонна электробаггтарга хатааһылааһын тэриллибит. Кафелар уонна фудкорт аһыллыбыттар.
Романтическай тэрээһиннэртэн ураты күөлгэ саха эстрадатын артыыстарын кэнсиэрэ уонна уот-сырдык шоу ыытылынна.
Хаартыскалары манна киирэн көр.
