Барыллааһын дааннайынан, Дьокуускай куорат Халтурин уулуссатыгар баар элбэх кыбартыыралаах дьиэҕэ уоту сэрэҕэ суохтук туттубуттан баһаар тахсыан сөп. Бу туһунан сэтинньи 10 күнүгэр куорат былаанныыр мунньаҕар иһитиннэрдилэр.
Үс киһи, ол иһигэр 11 уонна 14 саастаах икки оҕо, өлүүлээх баһаар сэтинньи 6 күнүгэр күнүс буолла. 50 квадратнай миэтэрэ иэннээх уот икки этээстээх мас дьиэ бастакы этээһин хабан ылла. Дьиэ 2017 сыл сэтинньитигэр хаарбах туруктааҕынан бэлиэтэммитэ.
Буолбут чахчынан сэрэҕэ суохтук туттуунан өлүүгэ тириэрдии туһунан холуобунай дьыала тэрилиннэ. Сэлиэстийэлээһин сэлиэстийэ управлениетын салалтатын хонтуруолугар тутуллар.
