«Өрөспүүбүлүкэ болуоссатын саҥардарбытыгар, манна ыччат дьон, саастаах көлүөнэ уонна оҕолорбут тэҥинэн сылдьар буолалларыгар былааннаабыппыт. Өрөспүүбүлүкэ күнүн саҥардыллыбыт болуоссакка аан бастакытын тэрийдибит, Дьокуускай олохтоохторо уонна ыалдьыттар сөбүлээтилэр», — диэтэ Айсен Николаев.
Өрөспүүбүлүкэ болуоссатын таһынан, ыал буолуу сиэрин-туомун Өлүөнэ остуолбаларыгар, Дьокуускайдааҕы сынньалаҥ пааркатыгар оҥоруохха сөп. ГТАС управлениетын салайааччыта Дария Слепцова эппитинэн, ыал буолууну туоһулуур өрөгөйдөөх күнү бэлиэтиир миэстэ кэҥэтиллэн иһиэҕэ.
