Дьокуускайга килиэби астыыр тэрилтэҕэ үлэһит дьахтар тиэстэ мэһийэр массыынаҕа илиитин кыбытта. Быһылаан сэтинньи 14 күнүгэр буолбут. Бу туһунан Саха сирин быыһыыр сулууспата иһитиннэрэр.
Быһылаан буолбут сиригэр быыһааччылар бөлөхтөрө тута таҕыста. Быыһааччылар дьахтар илиитин анал инструменнарынан босхолоотулар. Ол кэннэ эмсэҕэлээбит дьахтары суһал медицинскэй көмө биригээдэтигэр туттардылар.
Санатан эттэххэ, алтынньы бүтүүтэ Дьокуускайга 37 саастаах эр киһи бойлерга үлэлии сылдьан производственнай тыраамбаттан өлбүтэ.
