Чемпионат сэтинньи 21 — 24 күннэригэр буолар. Бу күннэргэ остуол тенниһигэр бастыҥнары быһаарыахтара, эр дьоҥҥо уонна дьахталларга бастыҥ хамаандалары талыыга, биирдиилээн оонньооччуларга, буккаас разрядтарынан эмиэ ыытыллыаҕа.
«Быйыл уопсастыбаннас, министиэристибэ, управлениелар, федерация сүбэлэһэн үлэлээбиттэрэ көһүннэ. Спорт саала толору спортсменынан туолла. Остуол тенниһэ спорт маассабай көрүҥнэриттэн биирдэстэрэ буолара бэлиэтэнэр», — диэтэ спорт миниистирин бастакы солбуйааччыта Гаврил Мохначевскай.
Хаартыска: Дьулустаан Сергеев/ ЯСИА
Салайааччы бэлиэтээн эппитинэн, эһиил остуол тенниһигэр Уһук Илиҥҥэ бастыыр иһин чемпионаты Саха сиригэр ыытарга сайаапка түһэрилиннэ. Быйылгы чемпионат түмүгүнэн, 2025 сыллааҕы күрэххэ кыттар Саха сирин сүүмэрдэммит хамаандата бигэргэниэҕэ.
