Тохсунньу 8 күнүгэр Дьокуускай куорат Сайсаар уокуругар ыт 8 саастаах оҕоҕо саба түстэ. Кыыллыйбыт ыт тутулунна, моойугар быалаах. Билигин ыт хаһаайынын көрдүүр үлэ барар.
«Ыт хаһаайына биллэригэр көрдөһөбүт. Ыт анал пууҥҥа туттарылынна, олус кырыктаах.Хаһаайын ылбатаҕына, кыылы утутар дьаһал ылыллыан сөп. Уокурукка бу иннинэ бэйдиэ сылдьар ыттары кытта үлэ арыый сымнаабыта, ити эрээри халлаан сылыйан ыттар уулуссаҕа таҕыстылар», — ЯСИА-ҕа управа начальнига Владимир Слепцов эттэ.
Ыт оҕоҕо күнүс үс чаас саҕана Макаренко уулуссатын 8 нүөмэрдээх дьиэтин аттыгар саба түстэ. Оҕо илиитин ытырда. Медицина тэрилтэтигэр уолга вакцинация туруордулар.
2025 сылга Дьокуускайга 32 бэйдиэ сылдьар ыт тутулунна, ол иһигэр 11 — Сайсаар уокуругар.
Бу төлөпүөннэринэн бэйдиэ сылдьар ыттар тустарынан биллэриэххитин сөп:
- ЕДДС: (4112) 44-42-51, 44-42-29;
- Бэйдиэ сылдьар ыттары кытта үлэ сулууспата: +7 914 301-65-54.
