Мас-рестлиҥҥэ Федерация Кубогын болдьоҕо ахсынньы 23-24 күннэригэр көстө. Бөдөҥ хамаанданан күрэхтэһии Дьокуускайга буолуоҕа, суруйар ЯСИА.
«Болдьох уларыйда, эрдэ ахсынньы 16-17 күннэригэ ыытыллыахтааҕа. Билигин ахсынньы 23 — 24 күннэригэр «Модуҥҥа» буолар буолла. Уларыйыы өрөспүүбүлүкэ чемпионатын ыытыыны кытта сибээстээх», — диэтэ ЯСИА-ҕа Федерация толорооччу дириэктэрэ Андрей Сидоров.
Уларыйыы састаапка эмиэ таҕыста. Горнай улууһун оннугар Амма кыттар буолла. Онон Кубок иһин Мэҥэ Хаҥалас, Таатта, Үөһээ Бүлүү, Уус Алдан, Хаҥалас, Чурапчы, Амма, Сунтаар улуустара киирсиэхтэрэ.
