Дьокуускайга от ыйын 1 — 3 күннэригэр «Азия оҕолоро» оонньуулар култуурунай бырагыраамаларын чэрчитинэн «Маастардар куораттара» норуот художественнай оҥоһугар бэстибээл буолуоҕа. Ол туһунан «Симэх» арт-салон иһитиннэрдэ.
Бэстибээл бырагырааматыгар национальнай сувенирдар уонна киэргэллэр дьаарбаҥкалара, уопсастыбаннай тэрилтэлэр Саха сирин маастардарын холбоһуктарын быыстапкалара, маны сэргэ маастар кылаастар ыытыллыахтара.
Барыта 50 маастар уонна сатабыллаах киһи кыттыаҕа.
Ыалдьыттары «Старай куоракка», Аржаков аатынан уулусса, 6 дьиэтигэр күүтэллэр.
Быыстапка-дьаарбаҥка үс күн сарсыарда 11.00 чаастан үлэлиэҕэ. Маастар-кылаастар бастакы күн 16.00 чаастан саҕаланыахтара, иккис уонна үһүс күннэргэ — 14.100 чаастан.
Бэстибээл арыллыытын сиэрэ-туома от ыйын 1 күнүгэр 15.00 чаастан тэриллиэҕэ.
![](https://sakha.ysia.ru/wp-content/uploads/2024/06/image-27-06-24-11-07.jpeg)
Хаартыска: ЯСИА саайта