Тэрийээччилэринэн Ем. Ярославскай аатынан музей, М.К. Аммосов аатынан ХИФУ археология уонна этнография музейа, гуманитарнай чинчийиилэр инстиуттара, Мэҥэ Хаҥалас улууһун Р.Г. Васильев аатынан кыраайы үөрэтэр музей, М.К. Аммосов аатынан ХИФУ «Уран Иис» үрдүкү мастарыстыба оскуолата уонна «Өбүгэ суола» уопсастыбаннай холбоһук буолаллар.
Быыстапка киин миэстэтин таҥалай сон ылар. Түү саҥыйах XVII-XVIII үйэлэргэ саха сүктэр кыыһын сүрүн соно буолбута. Хомойуох иһин, ол кэмнээҕи саҥыйах билигин хайдах баарынан суох. Музей пуондаларыгар археологическай хаһыылартан көстүбүт сорох чааһын эрэ көрүөххэ сөп. Быыстапка кэмигэр таҥалай сон туһунан элбэҕи билиэхтэрэ.
Быыстапкаҕа 300 экспонат турда, ол иһигэр Е.Д. Стрелов, И.Д. Новгородов, С.И. Боло, М.И. Ковынин уонна да атын учуонайдар археологическай чинчийиилэриттэн. Ордук болҕомтону аныгы маастардар тигиилэригэр XVII-XVIII үйэтинээҕи саха таҥаһа ылыаҕа. Бастакытын быыстапкаҕа турар таҥастар бааллар.
«Күүтүүлээх күндү таҥалай сон» тэрээһин муус устар 7 күнүгэр диэри үлэлиэҕэ.
