Дьокуускайга биллиилээх спортивнай комментатор, суруналыыс Степан Крижановскай көтөн кэллэ. Кини НВК «Саха» ханаалыгар Коркин аатынан көҥүл тустууга норуоттар икки ардыларынааҕы турнир быһаччы биэриитин ыытыаҕа диэн, СИА иһитиннэрэр.
«Мин биир баҕа санаабынан көҥүл тустуу киин куоратыгар сылдьааһын этэ. Кырдьыгын эттэххэ, Коркин турнира Европа уонна аан дойду чемпионатыгар тэҥнэһэр, конкуренция олус күүстээх буолуоҕа. Аан дойду бас-көс лидердара киирсиэхтэрэ», — диэн Степан Крижановскай бэлиэтээтэ.
Санатан эттэххэ, икки сыллаах тохтобул кэнниттэн күрэхтэһии алтынньы 28 күнүгэр, «Триумф» спортивнай киинигэр саҕаланар. Бары ыйааһыннарга финал субуотаҕа, алтынньы 29 күнүгэр ыытыллыахтара.
10 араас дойдуттан 150-тан тахса тахса спортсмен кыттыаҕа.
Билигин биллэринэн, Саха сириттэн тустуу көбүөрүгэр 85 иитиллээччи тахсыаҕа.
