Бастакы күн биирдиилээн кыттааччылар симулятордарга 75 мм уонна 200 мм кылаастарга киирсиэхтэрэ. Иккис күн хамаанданан күрэхтэһиэхтэрэ, симулятордарга 200 мм уонна 330 мм категорияларга. Үһүс күн дьиҥнээх дроннары көтүтүөхтэрэ, 200 мм уонна 330 мм.
Күрэхтэһиигэ 14 саастаах кыргыттартан уонна уолаттартан саҕалаан, дьахталлар уонна эр дьон кытталлар. Спорт разряда ирдэммэт.
Кыайыылаахтар уонна призёрдар мэтээл уонна диплом тутуохтара. Күрэхтэһии түмүгүнэн Уһук Илиҥҥэ сүүмэрдэммит хамаанда талыллыаҕа. Кинилэр алтынньы бүтүүтэ былааннаммыт Россия чемпионатыгар кыттыахтара.
Санаттахха, Российскай Федерация спордун министиэристибэтэ 2023 сыл бэс ыйын 20 күнүгэр дроннар күрэхтэһиилэрин спорт көрүҥүнэн бигэргэппитэ.
